ЧIиркъатIаса рихьулел мугIрул

Тема: Мугlрузул берцинлъи

Хъвараб къо:  2011-08-14 Автор:  Ибрагим Ибрагимов Балагьана:  1065

 

Прочитать (посмотреть) статью по русски на сайте Чирката.РФ

Ахикь тIерхьараб росу. ХIари магIардасан бачIунеб лъаралъ лъалъала росдал ахал. Бокьараб пихъ бижула гьаниб. ЧIиркъатIа росуялде абула Дагъистаналъул ахбазаналъул тахшагьарин. Кьурабалъцин рижула пихъил гъутби. МагIарулаз таргьинибе бан хIмуздаги лъун баччана гьал кьурабалъе ахал гьаризе ракь ва гьениб гIезабула цIибилги тIагIамал пихъалги. МагIаруласул минаялъул битIараб тIох. Гьеб буго цIадаб лъезе цIулги, боцIуе базе херги, гIемераб цогидабги цIунулеб бакI. Ва курак бакъвазабулеб бакIги … ЭМуIрузул сухъмахъазда гьаб хисулеб транспорт гьечIо. ЦIакъ хьихьизе бигьаяб ва къо хIехьолеб хIайван буго хIама. Гьал хъарщазда ва хьуразда бакъвазабула курак. Росу-ах. Росдал некIсияб авал. Гъоркьехун бугеб минаялъул тIох букIуна тIадехун бугеб минаялъе азбарлъун. Хер ва цIул жаниб лъолеб гьор … Нус-нус соназ эхетун руго гьал минаби. РикIкIада бихьула цIар рагIараб АхIгохI ва гIатIиракьазде унеб шагьранух.

Гьаб гьумералъул хIакъалъулъ гIадамазул пикру

Жиндирго пикру хъварав (ай):   КIудиявмухIамад
Къо-моцI:  2012-01-15
Ибрагьим-хIажи, кIар бугеб хIалтIи гьабун буго дуца, сахлъи кьеги дуе!

Дурго пикру хъвай: